د فراه د ستراتیژیک پلان د اصلاح په تړاو ناسته وشوه
۱۴۴۶/۱۰/۱۱
د کور او ښار جوړولو وزارت محترم سرپرست وزیر الحاج شیخ حمدالله نعماني د فراه ولایت لپاره د ستراتیژیک پلان د اصلاح په موخه د تللي هیئت سره ناسته وکړه.
فراه ته تللي هیئت د خپل سفر موندنې د کور او ښار جوړولو له محترم وزیر سره شریکې کړې.
د ښاري مطالعاتو محترم رئیس مولوي محمد هارون صدیقي وویل، په پخواني پلان کې د زون بندۍ، ترانسپورټ، د کانال حریم، حلقوي سړک، د عامه ښاري خدماتو، اداري کمپلکس، اوبو او نورو برخو کې ستونزې موجودې وې.
د نوموړي په خبره، په نوي اصلاح شوي ستراتیژیک پلان کې یادې ټولې ستونزې حل شوي دي.
په یاده ناسته کې د کور او ښار جوړولو وزارت محترم سرپرست وزیر د فراه ښار د ستراتېژيک پلان پر لا زیات اصلاح او د نورو اړوندو ریاستونو سره په شریکولو ټینګار وکړ.
د کور او ښار جوړولو وزارت د ټولو ولایتونو د منظمې ښاري ودې او پراختیا لپاره کار کوي او هڅه کوي چې د نوي عصر سره سم د اړتیا له مخې پلانونه جوړ او پلي کېدا ته وسپاري.
