د فاریاب ولایت په لویو لارو کې د مساجدو د جوړیدو لپاره ساحې کروکې شوې
۱۴۴۵/۸/۱۴
د فاریاب ولایت د کور او ښار جوړولو محترم رئیس ملا میرزا ذوالفقار وايي، د کرنې، اوبو او مالدارۍ، ټولګټو، حج او اوقاف، استخبارات ریاستونو، امنې قوماندانۍ، د ولایت د محترم مقام استازو په ګډون یو ګډ هیئت د مساجدو د جوړیدو په موخه د فاریاب ولایت د لویې لارې څخه لیدنه وکړه او ځمکې یې کروکې کړې.
ملا ذوالفقار وویل، چې یادې سیمې په حدود د ۷۰ کیلو متره په اوږدو کې د فاریاب - مزار او فاریاب -بادغیس په لویو لارو کې تثبیت او حدود یې معلوم شول.
نوموړي زیاته کړه، چې یاد مساجد د لویې لارې څخه په مناسبه فاصله کې جوړیږي تر څو راتلونکې کې د سړک د پراخیدو سره کوم مشکل جوړ نکړي یا هم لګښت پرې دویم ځل را نشي.
په پام کې ده چې یاد مساجد په ټولو لویو لارو کې د ټولو اسانتیاو سره د لمونځ کونکو مسافرو لپاره جوړ شي.
