د غزني اندړ ولسوالۍ لپاره تفصیلي پلان جوړ او تطبیق ته و سپارل شو
١٤٤٦/١١/١٠
دکور او ښار جوړولو وزارت محترم سرپرست وزیر الحاج شیخ حمد الله نعماني رسماً د غزني اندړ ولسوالۍ لپاره جوړ شوى تفصيلي پلان ګټې اخیستنې ته وسپاره.
به هغه مراسمو کی چې په همدې موخه جوړ شوى وو، د ریاست الوزرا محترم اداري مرستیال مولوي عبد السلام حنفي، داندړ ولسوالۍ د مجاهدينو د علم ډګر، عرفان او تصوف زانګو وبلله.
نوموړي د نورو ولسوالیو ترڅنگ داندړ ولسوالۍلپاره د تفصیلي پلان جوړولو یو ستر ګام یاد کړ چې ګټه به يې د خلکو په ژوند کې روښانه شي.
په ورته وخت کې، دکور او ښار جوړولو وزارت محترم سرپرست وزیر الحاج شیخ حمدالله نعماني وویل، دغه ولسوالۍ د جهاد، مینې او اتلولۍ سيمه ده چې خلکو يې د اسلامي نظام تحقق لپاره قربانۍ ورکړيدي.
ښاغلي شیخ حمد الله نعماني وویل، د دغه پلان په تطبيق سره به په ياده ولسوالۍ کې ټولنيز، اقتصاد، فرهنګي او نور پرمختګ رامنځته شي.
نوموړي خلک وهڅول چې د ياد پلان په تطبيق کې همکاري وکړي او په ګډه د خنډونو د له منځه وړلو لپاره کار وکړي.
محترم سرپرست وزير وويل، دلته يې سروې ترسره کړې او هغه برخې چې بهسازۍ ته اړتيا لري، تر سره به يې کړي.
نوموړي په خپلو خبرو کې د ميري بازار يو با ارزښته تاريخي بازار ياد کړ او باور يې وښود چې د پلان په تطبيق سره به د پانګونې لپاره زمينه برابره شي.
هغه وويل، د ميري بازار به معياري شي، د خلکو ستونزې به تر يو بريده حل شي او د منظمې پراختيا لپاره به زمينه برابره شي.
په اخر کې محترم شيخ حمدالله نعماني وويل، ددې ځاى له خلکو ښې خاطرې لري، ژوند يې پکې کړى او د ارام او سوکاله ژوند هيله يې ورته وکړه.
د اندړ ولسوالۍ د قومي مشرانو په استازولۍ محترم حاجي محمد موسى سعادت له ورغلو مشرانو مننه وکړه چې خبره يې په تير کې ددغې له پامه لويدلې ولسوالۍ د معياري کولو لپاره هلې ځلې کړيدي.
