د شيخ حمدالله نعماني په مشرۍ ګډ هيٸت بلخ ولايت ته سفر وکړ
١٤٤٦/٠٢/١٩
د کور او ښار جوړولو وزارت محترم سرپرست وزير شيخ حمدالله نعماني په مشرۍ او د کورنيو چارو وزارت، د کرنې وزارت، لوى نظارت او د استخباراتو محترمو استازو په غړيتوب ګډ هيٸت بلخ ولايت ته سفر وکړ.
دغه سفر د رياست الوزراء محترم مقام د ( ٧٠٩ ) ګڼه حکم د تطبيق په موخه ترسره شو.
د کور او ښار جوړولو وزارت محترم سرپرست وزير شيخ حمدالله نعماني بلخ ولايت ته د رسېدو سره سم ددغه ولايت له مرستيال والي محترم مولوي نورالهادي ابو ادريس، په دغه ولايت کې د کرني رٸيس حافظ محمد موسى مبين، د بلخ ښاروالۍ مرستيال مولوي محمد نسيم عابد او د دغه ښاروالۍ له انجنيرانو سره وکتل.
په دغه کتنه کې، په بلخ ولايت کې د شهرنو ښارګوټي د وضعيت، ځمکې او اسنادو په اړه خبرې وشوې او دلايل وړاندې شول.
موخه داده، چې څنګه کېداى شي بلخ ولايت کې د شهرنو ښارګوټي او عامو خلکو ستونزې حل او هر لوري ته خپل حق ورسېږي.
