د سرپل ولایت د زندان اړوند له یوې پرژوې څارنه وشوه
۱۴۴۷/۵/۷
سرپل ولایت کې د کور او ښار جوړولو ریاست محترم رئیس مولوي محمد نور نوراني وایي، اړوند تخنیکي ټیم یې د دغه ولایت د زندان د اداري خونو د رنګولو له چارو او د سړکونو د کانکرېټ اچولو له بهیر څارنه وکړه.
ښاغلی مولوي نوراني وایي، دغه چاره یې د سرپل ولایت د زندانونو د چارو د سمون ادارې د محترم امریت په غوښتنه ترسره کړه او ساحې ته یې تخنیکي ټیم ولېږه.
نوموړی وایي، د تخنیکي ټیم د څار پر مهال څرګنده شوه چې د پروژې چارې په ساحه کې په منظم ډول روانې دي او د سړکونو د چمتو کولو لپاره اوږدمهاله او عرضي کرښې یې ایښودل شوي دي.
د هغه د معلوماتو له مخې، د اداري خونو د رنګولو چارې په نورمال او منظم ډول دوام درلود چې د کار د کیفیت د لوړوالي او د چارو د چټکتیا په موخه، قراردادي شرکت ته لازمې لارښوونې او تخنیکي مشورې وړاندې شوې.
