د سانچارک ولسوالۍ د اوقاف کلان د استنادي دیوال د جوړېدو چارې و څارل شوې
۱۴۴۷/۰۷/۱۱
د سرپل ولایت د پراختیایي پروژو د نظارت هیئت د حوادثو د مخنیوي ریاست له رئیس سره یوځای د سانچارک ولسوالۍ د اوقاف کلان د استنادي دیوال د جوړېدو چارې له نږدې وڅېړلې.
د ارزونې پر مهال څرګنده شوه چې د دیوال چارې د منظور شوې نقشې مطابق عملي شوي او کار یې تقریبا بشپړ شوی دی او د ګټې اخیستنې لپاره چمتو دی.
په ځینو برخو کې د جاینتونو ستونزې موجودې وې، چې د اصلاح لپاره یې قراردادي شرکت ته لارښوونې ورکړل شوې. همدارنګه د سیند مسیر د بدلون اړتیا هم په نظر کې نیول شوې، او قراردادي شرکت ته لارښوونې شوې چې پاتې کار بشپړ کړي.
