د زرنج اودلآرام سړک د پراخولو پروژې له چارو څارنه وشوه
۱۴۴۷/۰۴/۲۹
د نیمروز ولایت د کور او ښار جوړولو ریاست محترم رئیس مولوي عبدالجبار یاسني وایي، د دې ریاست اړوند تخنیکي ټیم د زرنج – دلآرام د سړک د پراخولو پروژې له بهیر څخه څارنه تر سره شوه.
ښاغلي مولوي یاسیني وویل، د نظارت موخه د پروژې د کارونو د دقیق څارنې، د بیتالمال د ضایع کېدو د مخنیوي، او د انجینري اصولو د مراعت یقیني کول وو.
د نوموړي په خبره، د قراردادي شرکت مسلکي کارکوونکي هم په ساحه کې حاضر وو او د دندې د سم ترسره کولو، رښتینولۍ، او د ملي او نړیوالو انجینري معیارونو د پلي کولو په برخه کې ورته ټینګار وشو.
د نیمروز ولایت د کور او ښار جوړولو ریاست د ښار جوړولو او سړک جوړولو په برخو کې د پرمختیایي پروژو د تطبیق، څارنې او همغږۍ مسؤلیت لري.
