د زابل ولایت د ترنک او جلدک ولسوالیو د اداري ساحې پلان بررسي شو
۱۴۴۵/۱۱/۵
د کوراوښار جوړولو وزارت د ترنک او جلدک ولسوالیو د نوي جوړ شوي پلان بررسي شروع کړه.
د زابل ولایت د کور او ښار جوړولو ریاست محترم رئیس ملا داد ګل مسلم وايي، د ولسوالیو ښاري پلان د بیا ځل لپاره وکتل شو تر څو په ښاري معیارونو مطابق ترتیب شي.
ښاغلي مسلم وویل، یاد ښار ګوټی د شهید سردار داود خان په وخت کې په ۱۰۵ جریبه ځمکه کې ترتیب شوی دی، چې په دې ښارګوټي کې هستوګنیز کورونه، شنې سیمې، اداري او عام المنفعه ځایونه په نظر کې نیول شوي دي.
د کور او ښار جوړولو وزارت په پام کې لري، چې د ټولو ولسوالیو د اداري ساحو لپاره پلان ترتیب کړي تر څو د خپل سرې ودې او د ځمکو د غصب مخنیوي وشي.
