د دایکنډي د کیتي ولسوالۍ اداري ودانۍ رغنیزې چارې له ۸۰ سلنې واوښتې
ښارجوړولو او ځمکو وزارت د دایکندي ولایت د کیتي ولسوالۍ اداري ودانۍ رغنیزې چارې ۸۵ سلنه بشپړې کړي او په نیږدې راتلونکې کې به ګټې اخیستنې ته وسپارل شي.
د کیتي ولسوالۍ اداري ودانۍ په ۴۷۹ متر مربع ځمکه کې په درې پوړونو د ۲۳ میلیونه او ۳۰۰ زره افغانیو په ارزښت د ښارجوړولو او ځمکو وزارت له پراختیايي بودیجې جوړیږي.
د ټولګټو پروژو تطبیق د ښارجوړولو او ځمکو وزارت په کاري لومړیتوبونو کې ځای لري او دې وزارت د حکومت پراختیايي او قتصادي پلان جوړولو او پالیسیو د تطبیق په برخه کې وچت ګامونه پورته کړي دي.
###
