د خوست ولایت د پیښو پر وړاندې د مبارزې ریاست د ودانۍ له چارو څارنه وشوه
۱۴۴۷/۰۷/۲۷
د خوست ولایت د پیښو پر وړاندې د مبارزې ریاست د ودانۍ له روانو چارو څخه نظارت ترسره شو، چې د معلوماتو له مخې یې ساختماني چارې نږدې بشپړې شوې دي او تمه ده چې په ډېر لنډ وخت کې به د ګټې اخیستنې لپاره وسپارل شي .
د خوست ولایت د کور او ښار جوړولو محترم رئیس وویل، د نظارت پر مهال د ساحوي انجنیر او قراردادي شرکت له مسؤلینو سره د پاتې چارو د بشپړولو په موخه لازمې لارښوونې شریکې شوې
د یادونې وړ ده، چې د دې پروژې ټولې چارې د خوست د کور او ښار جوړولو ریاست د نظارت او مراقبت انجینري ټیم له لوري څارل کېږي.
د عامه تاسیساتو معیاري جوړښت او پر وخت بشپړېدل د کور او ښار جوړولو وزارت له لومړیتوبونو څخه دي. دغه وزارت هڅه کوي د دوامدار نظارت له لارې دولتي پروژې د تصویب شوو معیارونو له مخې بشپړې او د ګټې اخیستنې لپاره چمتو کړي.
