د جوزجان ولایت په قوشتېپه ولسوالۍ کې توپوګرافیکي سروې ترسره کولو په موخه دغه ولایت ته د کور او ښار جوړولو وزارت تخنیکي ټیم سفر وکړ
۱۴۴۷/۹/۱۲
د کور او ښار جوړولو وزارت د محترم مقام په حکم او لارښوونه، د سروې او جي ای ایس محترم ریاست تخنیکي او مسلکي ټیم د جوزجان ولایت د کور او ښار جوړولو د محترم ریاست اړوند تخنیکي ټیم سره په ګډه د دغه ولایت په قوشتېپه ولسوالۍ کې د توپوګرافیکي سروې چارې پیل کړې.
دغه سروې په یاده ولسوالۍ کې د تفصیلي پلان د چمتو کولو په موخه ترسره کېږي، څو منظم معلومات ترلاسه او پر بنسټ یې معیاري پلان ترتیب شي.
یاد پلاوي په ټاکل شوو ساحو کې د توپوګرافیکي سروې او د تفصیلي پلان د ترتیب لومړنۍ چارې په رسمي ډول پیل کړي دي.
دغه چارې د منظور شوې طرحې له مخې، د جوزجان ولایت د ښاروالۍ محترم ریاست او د قوشتپې ولسوالۍ د درنو اوسېدونکو په همغږۍ او همکارۍ مخته وړل کېږي.
د کور او ښار جوړولو وزارت، ژمن دی، چې د یادې پروژې چارې به په مسلکي او منظم ډول پرمخ ولاړې شي، څو د ولسوالۍ د ښاري پراختیا، منظمې ودانیزې ودې او غوره خدمتونو وړاندې کولو لپاره لازم بنسټونه برابر شي.
