د تهیه مسکن پروژې له روانو چارو لیدنه او ارزونه وشوه
۱۴۴۶/۱۱/۱۹
د کور او ښار جوړولو وزارت د مسکن، ودانیزو چارو او برنامو د پراختیا محترم مرستیال الحاج محمد اسماعیل فائز، په کابل کې د تهیه مسکن استوګنیزې پروژې د تطبیق له بهیر لیدنه او ارزونه وکړه.
ښاغلي مرستیال محمد اسماعیل فائز، د پروژې د لیدنې په مهال، د روانو ودانیزو چارو کیفیت، پرمختګ، او پلي کېدونکي میتودونه له نږدې و ارزول.
له ښاغلي مرستیال سره مل پلاوی وایي، د یادې پروژې چارې د تخنیکي معیارونو مطابق، په منظمه توګه روان دي او تمه ده چې په نږدې راتلونکي کې به د ګټې اخیستنې لپاره چمتو شي.
محترم الحاج محمد اسماعیل فائز، د پروژې د پرمختګ له وضعیت خوښي څرګنده کړه او ټینګار یې وکړ چې باید د مهالویش له مخې د پروژې بشپړېدو ته ځانګړې پاملرنه وشي.
دغه راز، پلي کوونکي شرکت ته سپارښتنه وشوه چې د کار کیفیت ته جدي پام وکړي.
د کور او ښار جوړولو وزارت هڅې دا دي چې یاده پروژه د هېوادوالو لپاره د یوه معیاري، باکیفیته اومناسب استوګنځي په توګه بشپړه شي.
