د ترمیم او ساتنې په موخه د ملي شورا له تاریخي ودانۍ لیدنه وشوه
۱۴۴۴/۱۱/۱۶
د کور او ښار جوړولو وزارت اړوند د تاریخي ابداتو او ښارونو د ترمیم او ساتنې ریاست تخنیکي ټیم د ترمیم او ساتنې په موخه د مخکینۍ ولسي جرګې او مشرانو جرګې له ودانیو او دغه راز د صنعت او سوداګرۍ وزارت له ودانۍ لیدنه وکړه.
د یاد ټیم په راپور کې راغلي، چې د تاریخي ودانیو د ترمیم، بیارغونې او ساتنې د قوانینو او اصولو له مخې، یادې ودانۍ کافي انکشافي بودیجې او زیات وخت ته اړتیا لريو چې د کور او ښار جوړولو وزارت یې ترمیم او ساتنې ته ژمن دی.
د اطلاعات او فرهنګ محترم وزارت د اسنادو او شواهدو پر بنسټ، د مخکینۍ ولسي جرګې او مشرانو جرګې د ودانیو عمر له اتیا (۸۰) کلونو زیات دی، چې د خپلې زمانې د مهندسۍ او معمارۍ عظمت او ارزښت، د رغنیزو عناصرو د ترکیب، د فرم ځانګړې ښکلا، فضاء، د مهندسۍ او هنري ریتمونو او نورو علایمو له مخې، د نیمه مدرنه سبک معماري په ډاګه کوي.
یادې ودانۍ د پلازمېنې کابل له لومړنیو ودانیو دي، چې د نوې کلاسیک معمارۍ وروسته په کال (۱۳۳۰ – ۱۳۴۰) یې د بنسټ ډبره اېښودل شوې ده.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.
