د امارتي مطبعې، صکوکو او ضرابخانې د محوطې د توپوګرافي سروی بشپړه شوه
۱۴۴۸/۱/۹
د کور او ښار جوړولو وزارت د سروی او جي ای ایس ریاست تخنیکي ټیم له لوري د کابل ولایت په مرکز کې د امارتي مطبعې، صکوکو او ضرابخانې د محوطې د ۸ جریبه ځمکې د توپوګرافي سروی چارې په بریالۍ توګه بشپړې شوې.
یاده سروی د ساحې د دقیق مساحت د تثبیت، د جغرافیایي او تخنیکي معلوماتو د راټولولو او د جي ای ایس سیسټم لپاره د معیاري ډیټا د برابرولو په موخه ترسره شوه.
د راټولو شویو معلوماتو پر بنسټ به د یادې ساحې اړوند تخنیکي تحلیلونه ترسره شي او د ښاري پراختیا او ساختماني چارو لپاره به لازم تخنیکي پلانونه او طرحې چمتو شي.
د کور او ښار جوړولو وزارت د هېواد په کچه د ښاري پراختیا او تخنیکي معلوماتو د معیاري کولو په برخه کې د سروی او جي ای ایس ریاست د فعالیتونو پراخولو ته ځانګړې پاملرنه لري، څو ټولې زیربنایي پروژې د دقیقو او معیاري معلوماتو پر بنسټ ترسره شي.
