جوزجان ولایت کې د یو مسجد شریف له ودانیزو چارو څارنه وشوه
۱۴۴۷/۵/۴
جوزجان ولایت کې د کور او ښار جوړولو ریاست محترم رئیس الحاج ملا عبدالله فیضان وایي، د ریاست اړوند تخنیکي ټیم په ملتیا یې، د جوزجان ولایت د کور او ښار جوړولو ریاست په انګړ کې د یو مسجد شریف د جوړولو له چارو لیدنه او تخنیکي څارنه وکړه.
ښاغلی ملا فیضان وایي، یاد مسجد شریف د ارشاد، حج او اوقاف وزارت له خوا تمویلېږي.
نوموړی وایي، د لیدنې پر مهال د مسجد د داخلي او خارجي پلستر چارې د بشپړېدو بهیر وڅارل شو او د ساختماني شرکت مسؤلینو ته لازمې لارښوونې وشوې.
هغه وایي، موخه دا وه چې باید ټول ساختماني کارونه د نقشې، د کاري حجم د براورد، د تدارکاتي شرطنامې او د انجینري او تخنیکي معیارونو له مخې ترسره شي.
دغه راز، د چارو د لا ښه والي او اغېزمنتیا لپاره د جوزجان ولایت د کور او ښار جوړولو راست د محترم رئیس له لوري یو لړ عملي نظریات او وړاندیزونه هم ترسره شول.
