بلخ کې د ذبيح الله شهيد ښوونځي ودانۍ به ډېر ژر ګټې اخېستنې ته وسپارل شي
ښار جوړولو او ځمکو وزارت د بلخ ولايت په مارمول ولسوالۍ کې د ذبيحالله شهيد ښوونځي لپاره د ودانۍ جوړولو چارې ۹۵ سلنه بشپړې کړي او په نږدې راتلونکي کې به ګټې اخېستنې ته وسپارل شي.
د ښوونځي دا ودانۍ په ۲۳ ميليونه ۶۰۰ زره افغانيو د ښار جوړولو او ځمکو وزارت د عامه او دولتي ساختمانونو د برنامې له لارې په معياري ډول رغول کيږي.
د دې ښوونځي په رغولو سره به په سیمه کې د زدهکوونکو او ښوونکو لپاره مناسب او ارام ښوونيز چاپېريال برابر شي او نورې کورنۍ به هم وهڅيږي چې خپل ماشومان ښوونځیو ته واستوي.
