بدخشان کې د دوه ښوونځیو رغنیزې چارې پیل شوې
ښارجوړولو او ځمکو وزارت د بدخشان ولایت د درایم ولسوالۍ په هامچیان کلي کې د بي بي عایشې صدیقې ښوونځي او همداراز د دې ولایت د راغستان ولسوالۍ په شاهان کلي کې د خم شاهان ښوونځي رغنیزې چارې پیل کړې دي.
د بي بي عایشې صدقې ښوونځی په ۶۱۰ متر مربع ځمکه کې په دوه پوړونو د ۱۷ میلیونه افغانیو په ارزښت جوړیږي چې رغنیزې چارې یې ۴۰ سلنه بشپړې شوې دي. همداراز د خم شاهان ښوونځی په ۶۲۵ متر مربع ځمکه کې په دوه پوړونو د ۲۷ میلیونه افغانیو په ارزښت د ښارجوړولو او ځمکو وزارت له پراختیايي بودیجې جوړیږي، د دې ښوونځي رغنیزې چارې ۹۰ سلنه بشپړې شوې دي.
ښارجوړولو او ځمکو وزارت په ورستیو درې کلنو کې په هېواد کې د ۱۰۳۰ رغنیزو پروژو چارې پیل کړي چې له دې ډلې د ۱۵۰ پروژو چارې بشپړې شوي، ۴۰۰ پروژې تر کار لاندې دي او پاتې یې په سروې، ډیزاین او تدارکاتي مرحله کې دي.
###
