بدخشان ولایت کې د یو پمپ سټېشن چارې وځنډول شوې
۱۴۴۶/۸/۱۲
د بدخشان ولایت د کور او ښار جوړولو ریاست محترم رئیس مولوي ولي الله الهي وایي، د دې ریاست اړوند له ښاري تخلفاتو د مخنیوي مدیریت تخنیکي او مسلکي ټیم د فیض اباد ښار بتاش ګلدان په وروستۍ برخه کې د یو پمپ سټېشن ودانیزې چارې وځنډولې.
ښاغلی مولوي الهي وایي، دغه پمپ سټېشن پخوا د ټولو اصولو او قانون خلاف عمل کاوه چې، اوس یې بیا د لا پراختیا او ترمیم چارې دوی سره له همغږۍ پرته په خپل سر پیل کړې وې چې، وځنډول شوې.
نوموړی وایي، د یاد پمپ سټېشن مالک کومه منل شوې نقشه هم نه لري او د طرزالعمل خلاف کار کوي چې، دوی ریاست ته ورغوښتی، چې له اصولو او طرزالعمل یې خبر کړي.
د کور او ښار جوړولو وزارت د هر ډول ابادۍ لپاره خپل اصول او قانون لري چې، هېوادوال یې باید مراعات کړي او خپلې چارې یې له مخې تنظیم کړي.
دغه وزارت هېچاته اجازه نه ورکوي چې، خپلسري کارونه وکړي او په ښارونو کې بې نظمي او ګډوډي پیدا کړي.
