بامیان ولایت کې د (۲۰) ساختماني پروژو له کاري بهیر څارنه وشوه
۱۴۴۳/۱۰/۱۸
د بامیان ولایت د ښار جوړولو او ځمکو ریاست انجنیرانو د دغه ولایت په مرکز او ولسوالیو کې د (۲۰) ساختماني پروژو له کاري بهیر لیدنه او څارنه وکړه.
په دغه ساختماني پروژو کې دیني څانګې، اداري، روغتیا او ښوونیزې او روزنیزې پروژې شاملې دي چې کار یې عملاً روان دی.
د ښار جوړولو او ځمکو وزارت د مسجدونو په جوړولو، روغتیایي کلینیکونو، موزیمونو، وړکتونونو، دولتي ادارو ساختمانونو، لوبغالو، کتابتونونو، تعلیمي او تحصیلي ځایونو او د هېواد په کچه د داسې نورو ټولګټو پروژو او ځایونو په رغولو کې د پام وړ فعالیتونه کوي او په لومړیتوبونو کې یې ځای لري.
هغه ساختماني چارې چې د ښار جوړولو او ځمکو وزارت له ادرسه ترسره کېږي د ډاډ وړ او په تولو عصري اړتیاوو سمبال وي.
