بادغیس کې څه باندې ۱۸۳ زره جریبه دولتي ځمکه ثبت شوه
ښار جوړولو او ځمکو وزارت په هېواد کې دولتي ځمکو بانک برنامې د پلي کېدو پر مهال د بادغیس ولایت اړوندو سيمو په ۱۵۰ قطعو کې ۱۸۳۵۷۳ جریبه دولتي ځمکه او ملکیتونه ثبت او سروې کړي دي.
له دې شمير څخه ۱۸۲۵۸۰ جریبه سپينه دولتي او پاتې ۹۹۳ جریبه د دولتي ادارو تر استفادې لاندې عامه ملکیتونه دي چې د دې ولایت په مرکز او مختلفو ولسوالیو کې سروې او ثبت شوي دي.
ښار جوړولو او ځمکو وزارت تر دې دمه، په هېواد کې ۶ مېلیونه ۶۲۸ زره او ۱۶۴ جریبه ځمکه او دولتي ملکیتونه چې په ۶۸۰۲ قطعي کیږي، سروې او ثبت کړی، دا وزارت ژمن دی چې د دې پروسې له لارې په هېواد کې د حکومت سترو پرمختیایي او اقتصادي پلانونو پلي کېدو ته زمینه برابره کړي.
