په جوزجان ولایت کې د روغتتیایي کلینیک له ودانیزو چارو څارنه وشوه
۱۴۴۶/۳/۲۳
د جوزجان ولایت د کور او ښار جوړولو ریاست محترم رئیس ملا عبدالله فیضان وایي، د دې ریاست د انجنیرۍ ټیم په ملتیا یې په قوش تپې ولسوالۍ کې روغتیایي کلینیک له ودانیزو چارو څارنه وکړه.
ښاغلي ملا عبدالله فیضان وویل، د قوش تپې ولسوالۍ د ګردن کلې د روغتیایې کلینیک له ودانیزو چارو یې څارنه وکړه، چې د دې کلینیک د پایو د رینګونو د کانکریټ اچونې، د احاطوي دیوال خشتکاري او د تعمیر د داخلې برخې ډکولو چارې روانې وې چې د تخنیکي ټيم په ملتیا یې څارنه وکړه او قراردادي شرکت ته یې لازمې سپارښتنې وکړې تر څو چارې د نقشې مطابق تر سره کړي.
د کور او ښار جوړولو وزارت تخنیکي ټيمونه په مرکز او ولایتونو کې د پروژو له چارو څارنه کیږي، تر څو پروژې په معیار برابرې سرته و رسیږي