له اوبو څخه د سالمې او اغېزمنې ګټې اخیستنې او مدیریت په موخه ناسته وشوه
۱۴۴۴/۶۰/۳۰
د کور او ښار جوړولو وزارت محترم سرپرست شیخ حمدالله نعماني په مشرۍ د یو شمېر وزارتونو او ادارو ترمنځ د همغږۍ او تنظیم ناسته وشوه، چې څنګه کېدای شي له اوبو څخه سالمه او اغېزمنه ګټه پورته شي او ښه مدیریت شي.
په دغه ناسته کې چې د کور او ښار جوړولو وزارت کې وشوه، د اوبو او انرژۍ محترم وزارت، د کرنې، مالدارۍ او اوبو لګولو محترم وزارت، د کلیو پراختیا او بیا رغونې محترم وزارت او دغه راز د اوبو رسولو او فاضله اوبو وېستلو محترم شرکت استازو برخه اخیستې وه.
د یادې ناستې ګډونوالو له اوبو څخه د سالمې او اغېزمنې ګټې اخیستنې، د چارو تنظیم او مدیریت برخه کې هر اړخیزې خبرې وکړې او یادونه یې وکړه، چې په دغه برخه کې دې شته ټول قوانین، مقررات او طرزالعملونه وکتل شي.
د کور او ښار جوړولو وزارت محترم سرپرست شیخ حمدالله نعماني له اوبو څخه په سالمې او اغېزمنې ګټې اخیستنې او غوره مدیریت او تنظیم ټینګار وکړ او زیاته یې کړه، چې د اوبو مدیریت برخه کې د شته قوانینو او مقررو په رڼا کې دې روښانه دلایل وړاندې شي او پر یوې داسې حل لارې دې غور وشي چې د اوبو مدیریت او تنظیم برخه کې د اړوندو وزارتونو او ادارو ترمنځ همغږي زیاته، او د اوبو چارې تنظیم او غوره مدیریت شي.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
پته: دریم مکروریان، ازادي مطبعه ته مخامخ، د کور او ښار جوړولو وزارت.
