په لغمان ولایت کې د دوو جلا کلینیکونو له ودانیزو چارو څارنه تر سره شوه
۱۴۴۶/۸/۱۰
د لغمان ولایت د کور او ښار جوړولو ریاست محترم رئیس مولوي حسین احمد تیلوي وایي، د دې ریاست د تخنیکي ټیم لخوا په الینګار ولسوالۍ کې د دمه ګل او باغانګل کلیو د روغتیایي کلینیکونو له ودانیزو چارو څارنه تر سره شوه.
ښاغلي مولوي تیلوي وویل، د دمه ګل کلي د روغتیايي کلینیک د بام د سیخ بندۍ له چارو او د باغانګل کلي د روغتیایي کلینیک د بام د سیخ بندۍ او ساتونکو د خونې رینګ بیم چارې روانې وې چې ترې څارنه تر سره شوه.
نوموړي وویل، قراردادي شرکت مسؤلینو ته سپارښتنه وشوه، تر څو ټولې چارې د نقشې مطابق په معیار برابرې تر سره کړي.
