رقم سروی و ثبت زمین های دولتی در ولایت فاریاب از 175 هزار جریب گذشت
وزارت شهرسازی و اراضی در ادامه تطبیق برنامه بانک زمین دولتی در کشور؛ 175963 جریب زمین و املاک دولتی را در 172 قطعه در مربوطات ولایت فاریاب سروی و ثبت نموده است.
از این رقم 166668 جریب زمین سفید دولتی و 9294 جریب ملکیت های عامه تحت استفاده ادارات دولتی در مرکز و ولسوالی های مختلف این ولایت می باشد.
وزارت شهرسازی و اراضی در جریان سه سال اخیر، حدود 6.5 میلیون جریب زمین دولتی و ملکیت های تحت استفاده دولت را سروی و ثبت کرده است.
