د ښاري تخلفاتو د مخنیوي ټیم فاریاب ولایت ته سفر وکړ
۱۴۴۶/۰۶/۱۴
د کور او ښار جوړولو وزارت د ښاري تخلفاتو د مخنیوي ټیم ریاست محترم رئیس مولوي عبدالمنان حقاني وایي، تخنیکي او مسلکي ټیم یې د ښاري تخلفاتو د په نښه کولو او مخنیوي په موخه فاریاب ولایت ته سفر وکړ.
ښاغلی مولوي حقاني وایي، یاد ټیم په دغه ولایت کې د کور او ښار جوړولو له محترم رئیس مولوي خال میرزا ذوالفقار سره لیدلي او د یادو موضوعاتو په تړاو یې سره خبرې اترې کړې دي.
نوموړی وایي، تخنیکي ټیم د یاد ریاست د ښاري سرغړونو ولایتي مدیریت او د ولسوالیو پراختیایي پلانونو د څارنې عمومي مدیریت تر سره شوې چارې هم و ارزولې.
نوموړی زیاتوي، فاریاب ولایت کې د ښاري تخلفاتو پېژندلو او مخنیوي په موخه تر یو بریده عامه پوهاوی هم وشو او په تړاو یې مسؤلو کسانو ته پریزنټېشن هم وړاندې شو.
د کور او ښار جوړولو وزارت ولایت په ولایت د ښاري تخلفاتو پېژندو او مخنیوي په موخه هڅې پیل کړي او په کافي کچه یې اغېز هم کړې ده
