د نیله باغ پروژې له عملي چارو لیدنه وشوه

6/6/1446
د کور او ښار جوړولو وزارت د مسکن، ودانیزو چارو او د برنامو د پراختیا محترم مرستیال الحاج محمد اسماعیل فائز د کابل دارالامان سیمه کې د نیله باغ استوګنیزې پروژې له چارو لیدنه وکړه.
ښاغلي محمد اسماعیل فائز د نیله باغ پروژې پرمختللې چارې د قناعت وړ وبللې او تمه یې وښوده چې په نږدې راتلونکي کې به یې چارې بشپړې شي.
د نیله باغ استوګنیزې پروژې محترم مسؤل انجنیر عبدالله صدیقي، د اسلامي امارت په راتګ سره د دغې پروژې مالي او تخنیکي ستونزې حل شوې او اوسمهال یې ودانیزې چارې ګړندۍ روانې دي.
ښاغلي مرستیال فائز زیاته کړه، د کور او ښار جوړولو وزارت د دغې پروژې په بشپړوالي کې بې درېغه هڅې کوي او خپلو ژمنو ته متعهد دی.
نوموړی وویل، دغه پروژه کلنیک، مسجد او ښوونځي ته هم اړتیا لري چې په وینا یې لازمه ده په چارو یې پیل وشي.
په پام کې ده، چې په یاده پروژه کې به ډېر ژر د کلنیک، ښوونځي او مسجد شریف چارې هم پیل شي او په نږدې راتلونکي کې به یې چارې بشپړې شي.