تورخم ښارګوټي کې د تفصیلي پلان د تطبیق څرنګوالي په موخه دې ګډ هیئت لاړ شي
۱۴۴۶/۰۲/۱۷
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني په خپل کاري دفتر کې د صنعت او سوداګرۍ وزارت له محترم استازي سره وکتل.
د صنعت او سوداګرۍ وزارت محترم استازي وویل، اړتیا ده چې د تورخم ښارګوټي لپاره د کور او ښار جوړولو وزارت له لوري جوړ شوی تفصیلي پلان په ساحه کې پلي شي.
په دغه تفصیلي پلان کې د مسافر وړونکو ترمینل، سوداګریزې ساحې، مسجد او د اړتیا وړ نور ځایونه مشخص شوي دي.
د هغه په خبره، په ساحه کې ځینې نورې ستونزې هم شته چې لازمه ده د تورخم ښاروالۍ او د کور او ښار جوړولو وزارت په همکارۍ او همغږۍ حل شي.
د کور او ښار جوړولو وزارت د ښاري چارو محترم مرستیال شیخ مدارعلي کریمي بامیاني وویل، د تورخم دروازه او ښارګوټی یو اساسي او ترانزیټي دروازه او ښارګوټی دی چې باد تفصیلي پلان یې د اړونده ښاروالۍ له لوري تطبیق شي.
ښاغلي بامیاني وویل، د کور او ښار جوړلوو وزارت د تورخم لپاهر پلان چمتو کړی چې په کار ده اړونده ښاروالۍ یې تطبیق کړي، خو په خبره یې که مانع رامنځته کېږي، نو د صنعت او سوداګرۍ وزارت سره به یې په ګډه حل کوي.
نوموړي وویل، لازمه ده چې د کور او ښار جوړولو وزارت او د صنعت او سوداګرۍ وزارت یو ګډ هیئت سیمې ته له نږدې ورشي او د پلان د تطبیق لپاره ساحه له نږدې و ارزوي او د ستونزو د حل لپاره لاس په کار شي.
