نیمروز ولایت کې له یو شمېر ودانیزو پروژو څارنه وشوه
۱۴۴۵/۱۰/۱۷
د نیمروز ولایت د کور او ښار جوړولو ریاست محترم رئیس مولوي عبدالجبار یاسیني وايي، د دې ریاست تخنیکي ټيم په یاد ولایت کې د یو شمېر پروژو له ودانیزو چارو څارنه وکړه.
د ښاغلي مولوي یاسیني په خبره، د زرنج ښار د خواجه کریم روغتیایي کلینیک، د زرنج ښار د سل بستریز روغتون له پروژې، د زرنج ښار د پل ابریشم د سړک له رغنیزو چارو او دغه راز د سیاه چشم روغتیايي کلینیک له رغنیزو چارو څارنه وشوه.
نوموړي زیاته کړه، د خواجه کریم، سیاه چشم او د زرنج ښار د سل بستریز روغتون له رنګمالۍ، د سیمې د پاکوالي او هوارۍ، د کانکرېټ اچونې او د شنې سیمې څخه کنترول او څارنه وشوه.
د کور او ښار جوړولو وزارت تخنیکي ټیمونه په مرکز او ولایتونو کې د پروژو له چارو دقیقه څارنه کوي، تر څو یې چارې د شرطپاڼې او انجنیرۍ اصولو مطابق سرته و رسېږي.
