برای تثبیت ملکیت زمین دارالعپروان ولایت کې د دارالعلوم او عیدګاه مسجد د ځمکې ملکیت د تثبیت په موخه ناسته وشوهلوم و مسجد عیدگاه ولایت پروان جلسه دایر شد

۱۴۴۵/۰۶/۰۳
د کور او ښار جوړولو وزارت محترم سرپرست وزیر شیخ حمدالله نعماني په مشرۍ او د پروان ولایت محترم والي مولوي عبدالعلي امیني، د پوهنې وزارت د ښوونې او روزنې محترم مرستیال مولوي سخاء الله سعید، د ارشاد، حج او اوقافو وزارت محترم مرستیال مولوي محمد عارف او د یادو ارګانونو د نورو اړوندو استازو په شتون کې ناسته وشوه.
دغه ناسته د ا.ا.ا د ریاسة الوزرا محترم عالي مقام د (۲۹۹) ګڼې حکم مؤرخ۱۴۴۵/۰۱/۰۲ د پلي کېدا پر بنسټ ترسره شوه، چې موخه یې په پروان ولایت کې د یو دارالعلوم او عیدګاه مسجد شریف د ځمکې مالکیت ثابتول و.
په ناسته کې د ارشاد، حج او اوقافو وزارت او د پوهنې وزارت له لوري د اسنادو او سوابقو په اړه خبرې وشوې او د هر لوري دلایل واورېدل شول.
د کور او ښار جوړولو وزارت محترم سرپرست وزیر شیخ حمدالله نعماني، لارښوونه وکړه، چې لومړی دې د کور او ښار جوړولو وزارت او د پروان ولایت ښاروالۍ ګډ تخنیکي او مسلکي ټیم ساحه له نږدې وګوري، سکېچ او کروکي دې وکړي او د شته وضعیت په اړه دې بشپړ راپور چمتو کړي.
ښاغلي شیخ حمدالله نعماني وویل، له هر اړخیزو معلوماتو وروسته به بشپړ راپور د ا.ا.ا عالیقدر مشرتابه مقام ته د وروستۍ پرېکړې په موخه واستوي.
_______
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh 
Malgari:
https://www.malgari.com/?cache=1673066126# 
 YouTube channel:
https://www.youtube.com/ 
Tel:
https://t.me/mudh_af
Web:
https://mudh.gov.af/dr
FB page:
https://www.facebook.com/profile.php?id=100087195086592
نښه: کابل، درېیم مکروریان، ازادۍ مطبعې او شش درک سړک ته مخامخ، ختیځ لورته د کور او ښار جوړولو وزارت.