د ښاري سرغړونو د مخنیوي پر لارو چارو بحث وشو
1444/09/07
د کور او ښار جوړولو محترم سرپرست وزیر شیخ حمدالله نعماني د دې وزارت د یو شمیر رئیسانو په شتون کې د کابل محترمې ښاروالۍ له مسؤلینو سره د ښاري سرغړونو د مخنیوي پر لارو چارو خبرې وکړې او نظرونه یې شریک کړل.
په ناسته کې د کور او ښار جوړولو وزارت استازو او د کابل ښاروالۍ استازو یو له بل سره د یوې منظمې مقررې پر جوړولو خبرې وکړې او ټینګار وشو چې د چارو د تفکیک او لا غوره والي په موخه دې په ځینو مواردو بحث وشي او د اړوندو ادارو ترمنځ دې په ځینو چارو کې لا همغږي او همکاري زیاته شي.
د کور او ښار جوړولو محترم سرپرست وزیر وویل؛ ښاري سرغړونو ته رسیدنه او په ځینو برخو کې د مسؤلیت پیژندنې ته اړتیا ده چې د حقوقي او تخنیکي پلوه پرې نظرونه شریک شي او یوې ښې پایلې ته ورسیږي.
د ناستې په پایله کې پرېکړه وشوه، چې د کور او ښار جوړولو وزارت او کابل محترمې ښاروالۍ له متخصصینو دې یوه ګډه کاري کمېټه جوړه شي او په اړوندو ښاري موضوعاتو دې د چارو د لا ښه سمون او پرمختګ په موخه بحث وشي.
_____________________
د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️
WhatsApp:
https://chat.whatsapp.com/FnOgiA7hU1H3y1w3FrV0uh
Malgari:
https://www.malgari.com/?cache=1673066126#
YouTube channel:
Tel:
Web:
FB page:
https://www.facebook.com/MUDH-2303368453279461/
پته: دریم مکروریان، ازادي مطبعه ته مخامخ، د کور او ښار جوړولو وزارت.
