د ښاري نقشو د ویزه کولو(تائیدولو) کمېسیون ناسته وکړه

۱۴۴۴/۰۶/۳۰

د کور او ښار جوړولو وزارت د ښاري چارو محترم مرستیال شیخ مدارعلي کريمي بامیاني په مشرۍ د ښاري نقشو د ویزه کولو (تائیدولو) کمېسیون خپله پنځمه ناسته وکړه، چې په کې یې د تېرو ناستو پر تصمیمونو، پرېکړو او اقداماتو خبرې وکړې او بشپړ معلومات یې وړاندې کړل.

د یاد کمیسیون غړو پر بېلابېلو تخنیکي موضوعاتو خبرې وکړې او د درې ښارونو (هرات، کندهار او خوست) د نقشو پر ویزه کولو او لاسلیک کولو یې هر اړخیز بحث وکړ.

دغه راز په ناسته کې د ولایتونو ښاروالیو ته د نقشو ویزه کولو د صلاحیت ورکولو په تړاو هم خبرې وشوې.

د کور او ښار جوړولو وزارت د ښاري چارو محترم مرستیال شیخ مدارعلي کريمي بامیاني وویل، د هرات، کندهار او خوست ولايتونو د ښارونو د نقشو ویزه کولو او لاسلیک کولو په موخه دې تخنیکي هیئت د اړوندو ښارونو له ښاروالیو سره ارزونه وکړي او موندنې دې د وروستۍ پرېکړې په موخه له کمېسیون سره شریکې کړي.

نوموړي د ولایتونو ښاروالیو ته د نقشو ویزه کولو صلاحیت په تړاو یادونه وکړه، چې له ارزونې وروسته به یې په اړه تصمیم ونیسي.

__________

د نورو خبرونو لپاره زموږ له ټلیګرام، فېسبوک، ټوېټر، ملګري او ویب سایټ له خبري چینلونو سره ملګري شئ⬇️

WhatsApp:

https://chat.whatsapp.com/FnOgiA7hU1H3y1w3FrV0uh

Malgari:

https://www.malgari.com/?cache=1673066126#

 YouTube channel:

https://www.youtube.com/

Tel:

https://t.me/mudh_af

Web:

https://mudh.gov.af/dr

FB page:

https://www.facebook.com/MUDH-2303368453279461/ 

پته: دریم مکروریان، ازادي مطبعه ته مخامخ، د کور او ښار جوړولو وزارت.