د امارات ښار ګوټي د اقساطو د قیمتونو په اړه خبرې وشوې
1444/04/03
د کور او ښار جوړولو محترم سر پرست وزیر مولوي حمدالله نعماني د مالیې، اقتصاد، د کرنې او مالدارۍ، لویه څارنوالۍ ادارې، د افغانستان بانک له استازو او د کور او ښار جوړولو وزارت له یو شمیر ریسانو سره د امارات ښار ګوټي د قسطونو د قیمت په اړه ناسته وکړه او نظرونه یې تبادله کړل.
یاده ناسته د امارات یا شیخ زاید ښار ګوټي د اپارتمانونو د قیمت د تخفیف په اړه چې 1444/03/021د (11) مصوبې د (2) بند په اساس د ا.ا.ا د تحقق له مخې دایره شوه چې یاد ښار ګوټی د کابل په قصبه کې موقیعت لري.
لومړی دکور او ښار جوړولو وزیر د امارات ښار ګوټي په اړه مالومات ور کړل چې د تیر حکومت په وخت کې د اماراتو لخوا جوړ شوی او اپارتمانونه یې د تیر حکومت لخوا ویشل شوي دي.
وروسته د ا.ا.ا کابینې د تحقق د مصوبې له مخې چې د قسطونو د تخفیف یا قیمتونو په اړه ویل شوي ول د وزارتونو د استازو لخوا خپل نظریات وړاندې شول.
ور پسې د کور او ښار جوړولو وزارت مالیي ریاست ته دنده وسپارل شوه چې د دې ښار ګوټي د اپارتمانونو د تخفیف یا قیمت په اړه ماليي تحلیل وکړي تر څو په رتلونکې غونډه کې جمع بندي او پایله یې کابینې ته وړاندې کړي.
د یادونې وړه ده چې د شیخ زاید ښار کوټی په (264)جریبه ځمکه کې جوړ چې 111 بلاکونه 5 منزله، 3332 اپارتمانونه چې 2, 3, او 4 خونو (اطاق) درلودنکی ده.
