په ننګرهار ولایت کې د ښاري تخلفاتو مخنیوی وشو
![ننګرهار](/sites/default/files/2024-09/whatsapp_image_2024-08-31_at_1.55.24_pm.jpeg)
۱۴۴۶/۲/۲۸
د ننګرهار ولایت د کور او ښار جوړولو ریاست محترم رئیس قاري محمد نبي سعید وايي، د دې ریاست د ښاري تخلفاتو د تخنیکي ټیم لخوا په جلال اباد ښار کې د ښاري تخلفاتو په موخه د ودانیو او مارکیټونو له ودانیزو چارو څارنه وشوه.
ښاغلي قاري سعید وویل، د دې ریاست د ښاري تخلفاتو ټیم د جلال اباد ښار په دریمه ناحیه کې د هغې ودانۍ د ودانیزو چارو مخنیوی وکړ او کارونه یې وځنډول چې ودانیزې چارې یې د ښاري پلان خلاف روانې وې.
د کور او ښار جوړولو وزارت مرکزي او ولایتي ټیمونه د ښاري تخلفاتو په موخه په ښارونو کې د هغو ودانیو د ودانیزو چارو مخنیوی کوي، چې د ښاري پلان خلاف یې چارې روانې وي.