د لابراتوار ریاست تخنیکي ټیم د استقلال ښارګوټي له ساختماني چارو څارنه وکړه
۱۴۴۸/۳/۹
د کور او ښار جوړولو وزارت د کیفیت د کنټرول، ښاري سرغړونو ته د رسېدنې او لابراتوار عمومي ریاست د لابراتوار ریاست تخنیکي ټیم د استقلال ښارګوټي د پروژې له ساختماني چارو څخه تخنیکي څارنه ترسره کړه.
د څارنې پر مهال د پروژې روان ساختماني فعالیتونه له نږدې وکتل شول، چې په کې د دېوالونو د رنګولو، د خونو د دننه ډکولو او هوارولو، د کاشي او سرامیک لګولو، د «پي وي سي» کړکیو نصبولو او د زینو د مرمر ډبرو د نصبولو چارې شاملې وې.
د پروژې د کیفیت د لا ښه والي او د ساختماني چارو د دقیق کنټرول په موخه، قراردادي شرکت ته لازمې تخنیکي لارښوونې وشوې، څو ټولې چارې د منظور شوو تخنیکي نقشو او مشخصاتو د لېست مطابق او د مسؤل څارونکي انجنیر تر مستقیمې څارنې لاندې ترسره کړي.
د لابراتوار ریاست تخنیکي ټیم ټینګار وکړ چې د پروژې په ټولو پړاوونو کې دې د ساختماني چارو کیفیت، تخنیکي معیارونه او منظور شوي مشخصات په جدي ډول رعایت شي.
