د زابل ولایت د ارغنداب ولسوالۍ د نوي عمومي روغتون د جوړولو له چارو څخه څارنه ترسره شوه
۱۴۴۸/۱/۸
د زابل ولایت د کور او ښار جوړولو ریاست تخنیکي انجینرانو د ارغنداب ولسوالۍ د سیاه ګز په سیمه کې د نوي عمومي روغتون د جوړولو له روانو چارو څخه څارنه او لیدنه ترسره کړه.
یاد روغتون چې د زابل ولایت د عامې روغتیا ریاست اړوند پروژه ده، اوسمهال یې د احاطوي دېوال د تهداب کیندنې او د ساحې د پاککارۍ چارې روانې دي.
د څارنې پر مهال د پروژې د پرمختګ، د ترسره کېدونکو چارو د کیفیت او د ساختماني فعالیتونو د معیاري تطبیق بهیر وارزول شو او د پروژې له بېلابېلو برخو څخه نږدې تخنیکي څارنه ترسره شوه.
د پروژې د معیاري او اغېزمن تطبیق په موخه، د قراردادي شرکت مسؤلینو ته لازمې سپارښتنې وشوې، ترڅو ټولې چارې د منظور شوې نقشې، د کاري حجمونو د اټکل، تدارکاتي شرطنامې او نافذه انجینري معیارونو له مخې پلې کړي.
د یادې پروژې په بشپړېدو سره به د ارغنداب ولسوالۍ اوسېدونکو ته د روغتیايي خدمتونو د وړاندې کولو په برخه کې مهمې اسانتیاوې رامنځته شي.
