په شبرغان ښار کې د زر فامیلي سړک د قیراچونې له چارو څارنه وشوه
۱۴۴۷/۰۹/۲۲
د کور اوښار جوړولو وزارت تخنیکي ټيم د شبرغان ښاروالۍ اړوند د «زر فامیلي» سړک د جوړېدو له چارو څخه څارنه ترسره کړه.
د کور او ښار جوړولو وزارت تخنیکي ټيم د قراردادي شرکت مسؤلینو ته لارښوونه وکړه چې د دې سړک ټولې چارې د تخنیکي نقشې، د کارونو د حجمونو د اټکل (براورد) او تدارکاتي شرطنامې له مخې، د انجنیرۍ او تخنیکي معیارونو په پام کې نیولو سره پلې کړي.
د زر فامیلي سړک د شبرغان ښار له مهمو زیربنایي پروژو څخه شمېرل کېږي چې په بشپړېدو سره به یې د سیمې اوسېدونکو ته د تګ راتګ اسانتیاوې زیاتې او د ښار ترانسپورتي حالت به لا ښه شي.
