په فاریاب ولایت کې د مهاجرینو د ښار ګوټي د سړکونو له چارو څارنه وشوه
۱۸/۷/۱۴۴۷
د فاریاب ولایت د کور او ښار جوړولو ریاست محترم رئیس وایي، د دې ریاست اړوند تخنیکي ټيم د دولتآباد ولسوالۍ د مهاجرینو ښارګوټي د تفصیلي پلان په چوکاټ کې د سرکونو د بسترسازۍ او جغل اچونې د پروژې له چارو څخه څارنه وکړه.
ښاغلي رئیس وویل، د څارنې پر مهال څرګنده شوه چې د پروژې چارې د منظور شوې نقشې او انجنیري معیارونو سره سم په عملي ډول په ساحه کې روانې دي او مسؤلو انجنیرانو ته لارښوونه وشوه، چې د جغل د هموارکارۍ پر وخت دې ضخامت په معیاري ډول تطبیق شي.
یاده پروژه د مهاجرینو ښارګوټي د سرکونو د معیاري کېدو او د تګ راتګ د اسانتیاوو د ښه والي په موخه پلي کېږي.
