د فراه ولایت د مهاجرینو د ښارګوټي د خط اچونې چارې بشپړې شوې
۱۴۴۶/۰۷/۱۰
د فراه ولایت د مهاجرینو د ښارګوټي د خط اچونې چارې د یاد ولایت کور او ښار جوړولو د محترم ریلاست تر څار لاندې پیل شوې وې چې اوس یې د خط اچونې چارې بشپړې او پای ته ورسېدې.
یاده پروژه د ۵۵۰۰ جریبه ځمکې په مجموعي مساحت کې تطبیق شوې، چې ټوله ساحه په منظم، اصولي او د کور او ښار جوړولو وزارت د معیارونو مطابق د ښاري حدودو په بڼه خط اچونه تر سره شوې ده.
د پروژې د تطبیق پر مهال د حدودو، سړکونو او عامهالمنفعه ساحو حدود او سرحدونه په واضح ډول تثبیت او مشخص شول.
همدارنګه، د دې پروژې په جریان کې ۴۰ تنو مهاجرینو ته د ۳۰ کاري ورځو لپاره د موقتي کار زمینه برابره شوې، چې تر څنګ یې د تخنیکي چارو پر مخ بیول، د لنډمهاله کاري فرصتونو په رامنځته کولو کې هم مرسته شوې ده.
د دې پروژې اساسي موخه د راستنو شوو مستحقو مهاجرینو لپاره د ځمکې منظم وېش او د ښارسازۍ د اصولو او مقرراتو سره سم د دایمي مېشتېدو زمینه برابرول دي.
