هرات کې د يو ښوونځي د جوړېدو چارې پيل شوې
ښار جوړولو او ځمکو وزارت په هرات ښار کې د ښځينهو لپاره د فتح ښوونځي ودانۍ د جوړېدو چارې پيل کړې.
دا ښوونځی په ۹۸۵ متر مربع ځمکه کې په دوه پوړيز ډول جوړيږي چې ۲۴ درسي خونې او نور د اړتيا وړ ځايونه لري. د دې ښوونځي د ودانۍ په جوېدو ۲۷ ميلیونه ۱۰۰ زره افغانۍ لګښت راځي چې د ښار جوړولو او ځمکو وزارت له انکشافي بوديجې څخه ورکول کيږي.
د ښوونځي د دې ودانۍ په جوړېدو سره به د ښځينه زدهکوونکو هغه ستونزې لهمنځه ولاړې شي چې د ودانۍ د نهشتون له امله يې زغملې.
