په میدان وردک ولایت کې د ده پاک مهاجرینو د ښارګوټي خط اچونه تر سره شوه
۲۳/۳/۱۴۴۷
د میدان وردک ولایت د کور او ښار جوړولوریاست محترم رئیس مولوي عبدالقیوم سیف العمر وايي، چې تخنیکي ټیم یې د کور او ښار جوړولو وزارت، ښاروالۍ او د مهاجرینو ریاست په همکارۍ د میدان وردک ولایت په مرکز کې د ده پاک د مهاجرینو ښارګوټي کې د د خط اچونې چارې پيل کړې.
ښاغلي مولوي سیف العمر وویل، د یاد ښارګوټي تفصيلي پلان څه موده وړاندې چمتو شوی و، او اوس د سړکونو په مشخص کولو او په سیمه کې د تفصيلي پلان پر بنسټ د نمرو خط اچونې پروسه پیل شوې.
د نوموړي پّ خبره، د معیاري ښارګوټو جوړول او هېواد ته راستنیدونکو کډوالو ته د ځمکو د نمرې ویش د اسلامي امارت او د اسکان دایمي کمیټې یو له مهمو پروګرامونو څخه دی.
د کور او ښار جوړولو وزارت تر دې دمه په ډېرو ولایتونو کې د مهاجرینو د ښارګوتولپاره مفصل پلانونه ډیزاین او ترتیب کړي، اود ډېرو ښارګوټو لپاره یې خط اچونه هم تر سره کړې ده.
