د غزني ښار په بېلا بېلو پلانونو کې د ښاري سرغړونو د مخنیوي په موخه څارنه وشوه
۱۴۴۷/۰۳/۱۰
د کور او ښار جوړولو وزارت، له ښاري سرغړونو د مخنیوي ریاست محترم رئیس مولوي عبدالمنان حقاني وایي، د دې ریاست اړوند تخنیکي ټیم د غزني ښار په لومړي، دوهم او درېیم پلان کې د ساختماني چارو څارنه او د سرغړونو مخنیوی وکړ.
ښاغلي مولوي حقاني وویل، د غزني ښار لومړی پلان ډیری سوداګریزې ساحې لري، دوهم پلان ګډ (استوګنیزې او سوداګریزې) ساحې لري، او درېیم پلان بیا پراختیایي سیمې یې زیاتره استوګنیزې دي .
نوموړی وایي، په یادو سیمو کې په عمومي ډول ودانیزې چارې د تفصیلي پلان او منظور شوو نقشو له مخې پر مخ ځي، خو ځینې سرغړونې هم لیدل شوي، چې د ریاست او اړوندو ادارو له خوا یې مخه نیول شوې ده.
د یادولو ده، چې د کور او ښار جوړولو وزارت د ښاري سرغړونو د مخنیوي ریاست په مرکز او ولایتونو کې د ښارونو د منظم پرمختګ، د تفصیلي پلانونو د پلي کېدو او د قانوني ودانیو د تطبیق لپاره څارنه کوي.
