په اسعد اباد ښار کې د ښاري تخلفاتو مخنیوی وشو
۱۴۴۶/۱۲/۲۵
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د ښاري تخلفاتو د مخنیوي انجینري ټیم د اسعدآباد ښار د چنار ډبې په سیمه کې د څارنې پر مهال یو شمېر ښاري تخلفات تشخیص کړل.
د کونړ ولایت د کور او ښار جوړولو ریاست محترم رئیس مولوي نبي الله طلحه وایي، د یادو تخلفاتو له امله د اړوندو ساحو کارونه ودرول شول او مسؤلین د ریاست لهخوا احضار او راوغوښتل شول، د تخلف کوونکو سره ناسته وشوه، چې پکې هغوی ته د ښار د تنظیم پلان تشریح شو او د ښاري اصولو پر رعایت ټینګار وشو.
ښاغلی مولوي نبي الله طلحه وايي چې د ښاري نظم د ټینګښت او د غیر قانوني ودانیو د مخنیوي لپاره به څارنې دوام لري او له ټولو ښاریانو یې وغوښتل چې د ښار جوړولو له اصولو سره سم عمل وکړي.
