پکتیکا ولایت کې د غیر قانوني ودانیو چارې وځنډول شوې
۱۴۴۶/۰۸/۰۳
د کور او ښار جوړولو وزارت له ښاري تخلفاتو د مخنیوي ریاست محترم رئیس مولوي عبدالمنان حقاني وایي، د پکتیکا ریاست د محترم رئیس مولوي محمد طاهر سیف الجهاد د لارښوونې او همکارۍ پر اساس یې ښاري تخلفاتو ته د رسیدنې عمومي مدیریت په مرکز ښرنه کې غیر قانوني چارې وځنډولې.
ښاغلی مولوي حقاني وایي، دغه څلور ودانۍ د غزني په مسیر په غیر قانوني ډول جوړېدې چې، ځای په پلان کې شنه ساحه ده او دغه راز یې چارې د منل شوې نقشې خلاف هم وې.
نوموړی وایي، د پورته تخلفاتو درلودو له امله یې د یادو ودانیو چارې بندې کړې او په اړه یې د مرکز ښرنې محترمې ښاروالۍ ته په مکتوبي او شفاهي بڼه خبر ورکړل شو.
د ا.ا.ا مشرتابه عالیقدر امیرالمؤمنین حفظه الله د شنو ساحو د ساتنې او خوندیتوب په اړه حکم کړی او هېڅوک حق نه لري چې، د نورې ګټې لپاره یې وکاروي.
