په لغمان ولایت کې د کریم کانال له ودانیزو چارو څارنه تر سره شوه
۱۴۴۶/۶/۹
دلغمان ولایت په قرغیو ولسوالۍ کې د اوبو د یو ستر کانال له ودانیزو چارو څخه د کور او ښار جوړولو ریاست مسؤلینو د ګډ هئیت په شتون کې څارنه تر سره کړه.
د لغمان ولایت د کور او ښار جوړولو ریاست محترم رئیس مولوي حسین احمد تیلوي وایي، د دې ریاست د تخنیکي ټیم لخوا د کریم کانال چارې و څارل شوې.
ښاغلي مولوي تیلوي وویل، د دې کانال د لومړۍ برخې د سربند په برخه کې د سیخ بندۍ او په بله برخه کې د بولډر وال کارونو څخه څارنه تر سره شوه.
همداراز د دې کانال د دویمې برخې د دوه برخو د کمپکشن له کارونو څخه هم څارنه تر سره شوه او قراردادي شرکت ته سپارښتنه وشوه چې کارونه په ښه کیفیت سره په ټاکلي وخت کې بشپړ کړي.
د کور او ښار جوړولو وزارت مرکزي او ولایتي ټيمونه د پروژو له چارو څارنه کوي، تر څو چارې په معیار برابرې په ټاکلي وخت تر سره شي.
