د کور او ښار جوړولو وزارت د موجوده تشکیل بیا کتنه کېږي
۱۴۴۶/۰۳/۲۱
د کور او ښار جوړولو وزارت د محترم سرپرست وزیر الحاج شیخ حمدالله نعماني په مشرۍ رهبري ناسته کې، د دغه وزارت محترمو مرستیالانو، د وزارت د تشکیلاتو اړوندو رئیسانو او مسؤلینو برخه اخیستې وه.
په یاده ناسته کې، بحث وشو چې د کور او ښار جوړولو وزارت د موجوده تشکیل بیاکتنه دې وشي او پر هغه مواردو دې بحث او موافقه وشي چې له مخې یې تشکیلاتي پاړسوب له منځه ولاړ شي.
ښاغلي شیخ حمدالله نعماني وویل، لازمه ده چې مفید او اغېزمن بستونه پاتې او هغه چې اوسمهال ورته اړتیا نشته له منځته لاړ شي، کار اهل کار ته وسپارل شي او د ملي بودیجې له زیات او بې ځایه لګښت مخنیوی وشي.
د ناستې برخوالو یادونه وکړه، چې د کور او ښار جوړولو وزارت موجوده تشکیل د اړینو دندو او مسؤلیتونو پر بنسټ جوړ شوی، خو بیا هم دوی هڅه کوي چې بیاکتنه یې وکړي.
د کور او ښار جوړولو وزارت سرپرست او نور رهبري غړي ژمن دي چې د اسلامي شریعت او د ملي ګټو پر اساس تشکیل جوړ او ګټې اخیستنې ته وسپاري
