د رحمن مينې د ښارګوټي د ستونزو د حل په موخه ناسته وشوه
۱۴۴۶/۴/۲۰
د کور او ښار جوړولو وزارت محترم سرپرست وزیرالحاج شیخ حمدالله نعماني په خپل کاري دفتر کې د دې وزارت د مالي او داري محترم مرستیال الحاج محمد ارسلاح خروټي، د ښاري چارو محترم مرستیال شیخ مدار علي کریمي بامیاني او د یو شمېر رئیسانو او مسؤلینو سره، په کابل کې د رحمن مینې د ښارګوټي د پروژې د ستونزو په تړاو خبرې وکړې.
د رحمن مینې پروژه په ۱۳۹۳ کال کې شروع شوې وه، چې د یو لړ حقوقي، تخنیکي او مالي ستونزو له امله یې چارې وځنډول شوې او تر دې دمه په ټپه ولاړې دي.
د رحمن مینې د ښارګوټي پروژه کې د ځمکې په تړاو ځینې حقوقي ستونزې موجود وې، چې د تېر ۱۳۹۶ او ۱۳۹۹ کلونو په موده کې ټاکل شوي هیئت یاده ځمکې دولتي بللې وه. یاده ځمکه یو ځل بیا د کادستر لخوا امارتي او د کور او ښار جوړولو وزارت اړوند وبلل شوه.
په ناسته کې د یادې پروژې د بېرته پیلولو په تړاو د کور او ښار جوړولو وزارت د محترم سرپرست وزیر لخوا اړوندو ریاستونو ته دنده وسپارل شوه، ترڅو د پروژې ټول اړخونه په بشپړ ډول وڅېړي چې بیا یې په اړه بله ناسته کې پرېکړه وشي.
