په کونړ ولایت کې د درې ولسوالیو د بازارونو لومړنۍ سروې تر سره شوه
۱۴۴۶/۴/۲
د کونړ ولایت د کور او ښار جوړولو ریاست محترم رئیس مولوي نبي الله طلحه وایي، د دې ریاست د تخنیکي ټیم لخوا د پیچ درې د درې ولسوالیو د بازارونو او لومړنیو محکمو لپاره ځمکې مشخص شوې.
ښاغلي مولوي طلحه وویل، د تخنیکي ټیم لخوا د پیچ درې لسوالۍ د دریو بازارونو هر اړخیز معلومات را ټول شول او د چپې درې د ولسوالۍ د محکمې لپاره ځمکه مشحص شوه او د جي پي ایس ټکي یې واخستل شول.
د یادولو ده، د کور او ښار جوړولو وزارت په پام کې لري، چې یاده سروې د نورو ولایتونو په ولسوالیو کې هم تر سره کړي، چې د دې سروې سره به د ځمکو تثبیت، لوړ پوړیزو ودانیو کره معلومات، سوداګریزو مارکیټونوکره معلومات، هټیو معلومات، بازارونومعلومات او د بازارونو مسیر معلوم شي، چې په دې سره به هېوادوالو ته دایمي بوختیا پیدا شي، مارکیټونه به قانوني شي او د خلکو اقتصاد به پیاوړي شي.
