د جمهوریت روغتون له رغنیزو چارو لیدنه وشوه
۱۴۴۶/۱/۲۵
د کور او ښار جوړولو وزارت د مسکن، ودانیزو چارو او برنامو د پراختیا معین محترم الحاج محمد اسماعیل فایز د دې معینیت د یو شمیر محترمو رئیسانو او نورو اړوندو کارکونکو سره یو ځای د جمهوریت روغتون له رغنیزو چارو لیدنه وکړه.
په دې لیدنه کې محترم الحاج محمد اسماعیل فایز د جموریت روغتون د ناروغانو د بستر خونو، عملیات خونې، د پایوازانو له خونې، دهلیزونو، د موټرو د تمځای او نورو برخو له رغنیزو چارو لیدنه وکړه.
ښاغلي معین وویل، روغتونونه یو د اساسي اړتیاو څخه وي چې جوړښت ته یې باید جدي پاملرنه وشي تر څو په طبي لحاظ د خلکو ستونزو ته سمه رسیدنه وشي، نوموړي له قرادادي شرکت له مسؤلینو وغوښتل تر څو د دې روغتون چارې د شرطپاڼې مطابق په ټاکلي وخت سرته و رسوي.
د یادولو ده چې د جمهوریت روغتون رغنیزې چارې شاوخوا ۳۰ سلنه مخته تللي دي.
