د دولت شاه ولسوالۍ د سړک له تخریب شوو سیمو لیدنه وشوه
۱۴۴۵/۱۲/۱
د لغمان ولایت د کور او ښار جوړولو ریاست محترم رئیس مولوي حسین احمد تېلوي وایي، د دې ریاست د تخنیکي ټیم په ملتیا یې د دولت شاه ولسوالۍ د سړک له تخریب شو ځایونو لیدنه وکړه.
ښاغلي مولوي تېلوي وویل، د ټولګټو ریاست په غوښتنه یې د دولت شاه ولسوالۍ د سړک د غاړې چې د سیلابونو د راوتلو له امله تخریب شوي دي، لیدنه وکړه.
نوموړی وایي، د یاد سړک د بېرته رغولو په موخه یې د انجنیرانو لخوا د ټوټل سټېشن ماشین په واسطه لومړنۍ سروې وشوه.
د هغه په خبره، د یاد سړک تخریب شوې سیمې به ډېر ژر بېرته په اساسي ډول و رغول شي.
