په پکتیکا ولایت کې د سړې خونې له ودانیزو چارو څارنه وشوه
۱۴۴۷/۷/۴
د پکتیکا ولایت د کور او ښار جوړولو ریاست د تخنیکي ټیم له لوري، د ۶۰۰ مټریک ټنه سړی خوني پروژې د ودانیزې چارو څارنه ترسره شوه، چې د څارنې پر مهال څرګنده شوه چې د یخي هوا د شرایطو له امله د کانکریټ اچولو او ساتنې ځانګړي تدابیر په پام کې نیول شوي دي.
د څارنې په مهال د قراردادي شرکت مسؤلینو ته لازمې لارښوونه وشوې،تر څو د کانکریټ اچونې په مهال اوبه ګرمې وساتي.
همدارنګه، د اچول شوي کانکریټ د ساتنې لپاره د پایو قالب باید له ۷۲ ساعتونو وروسته خلاص شي او قراردادي شرکت کولی شي د کانکریټ د ساتنې لپاره پلاستیکي خوني وکاروي او د تودوخې د لوړولو لپاره د لرګیو بخاري استعمال کړي.
د کور او ښار جوړولو وزارت د زیربنایي پروژو د کیفیت د تضمین لپاره په دوامداره توګه د پروژو څارنه کوي او په یخو هواوو کې ځانګړي تخنیکي تدابیر نیسي، څو پروژې د منظور شوو نقشو، تخنیکي اصولو او معیارونو سره سم تطبیق شي.
